Ответ в теме: Шеърхо ва ғазалҳо аз эҷодиёти Бедил

#43787
L-BRO Admin
Хранитель

Ай шамъи базми қудс , надонам чӣ мазҳарӣ ,
К-аз ваҳм гоҳ равшану гоҳе мукаддарӣ ,
Гоҳ аз самуми қаҳр чу гулхан пуроташӣ.
Гоҳ аз насими лутф чу гулшан муаттарӣ.
Дар чор рукни даҳр туӣ ҳайрати зуҳур,
Дар ҳафт баҳри чарх ту ноёб гавҳарӣ.
Ғофил зи худ мабош, ки чун шамъи офтоб Иқболи ҳафт маҳфилу нӯҳ қасри ахзарӣ.
Аз ҳар шайъе , ки аҳли ту фаҳмад афзалӣ,
Аз ҳар макон, ки фаҳми ту пай бурд, бартарӣ.
Ҳар ҷо нигоҳ меравад, он ҷо ту рафтаӣ,
Ҳар сӯ хаёл меравад, он ҷо ту мепарӣ.
Маҳкуми нафси ин ҳама дунҳимматӣ чаро,
К-андар бисоти қудс ту садру сарварӣ.
Олам ҳама мусаххари амри замири туст,
Ай бехабар, ту аз чӣ ҳаворо мусаххарӣ?!