Ответ в теме: Шеърхо ва ғазалҳо аз эҷодиёти Бедил

#43789
Main Aditor
Хранитель

То фазлу ҳунар оинапардоз нашуд,
З-иқбол даре ба рӯи кас боз нашуд.
Фӯлод ба оҳан шараф аз ҷавҳар ёфт,
Беилм зи ҷинси хеш мумтоз нашуд.
\\\\\\\\\\\\\\\\\\\\\\\\\\
Ҳарчанд ба дониш аз ҷаҳон афзунӣ,
Ё дар пирӣ муаллими гардунӣ.
Ҳар гоҳ ба пеши кас бари ҳоҷати хеш,
Тифлӣ ба ту зебад, на афлотунӣ.
\\\\\\\\\\\\\\\\\\\\\\\\\\\\
Ёрон ба тифоқ агар қадам мешикананд,
Ҷайши арабу аҷам ба ҳам мешикананд.
Аз қудрати иттифоқ ғофил нашавӣ,
Дандонҳо сангро ба ҳам мешикананд.
\\\\\\\\\\\\\\\\\\\\\\\\\
Золим пӯшад либоси хунбофтаро,
То зер кунад хасми занбунёфтаро.
Бо сангдилон шиори худ сахтӣ кун,
Бардор ба оҳан оҳани тофтаро.